30

40

50

70

Even an morne both ar thay wroght,
And thus is maid a day.

In medys the water, bi oure assent,
Be now maide the firmament,

And parte ather from othere,

Water above, i-wis,

Even and morne maide is this

A day, so was the tothere.
Waters, that so wyde ben spred,
Be gedered to geder in to one stede,
That dry the erth may seym;
That at is dry the erth shalle be,
The waters also I calle the see;

This warke to me is queme.

Out of the erth herbys shal spryng,
Trees to florish and frute furth bryng,
Thare kynde that it be kyd.

This is done after my wille,

Even and morne maide is ther tille
A day, this is the thryd.

Son and moyne set in the heven,
With starnes, and the planettes seven,
To stand in thare degre;

The son to serve the day lyght,
moyne also to serve the nyght,

The

The fourte day shalle this be.
The water to norish the fysh swymand,
The erth to norish bestes crepeand,
That fly or go may.
Multiplye in erth, and be

In my blyssyng, wax now ye,
This is the fyft day.

Cherubym. Oure Lord God in trynyte,

Myrth and lovyng be to the,

Myrth and lovyng over al thyng;

For thou has made, with thi bidyng,
Heven, and erth, and alle that is,

And giffen us joy that never shalle mys.
Lord, thou art fulle mych of myght,
That has maide Lucifer so bright,
We love the Lord, bright are we,
But none of us so bright as he.
He may well hight Lucifere,

For lufly light that he doth bere.
He is so lufly and so bright

It is grete joy to se that sight;

We lofe the, Lord, with all oure thoght,
That sich thyng can make of nocht.

Hic Deus recedit à suo solio, et Lucifer sedebit
in eodem solio.

Lucifer. Certes, it is a semely sight,
Syn that we ar alle angels bright,
And ever in blis to be;

go If that ye wille behold me right,
This mastre longes to me.

I am so fare and bright,

Of me commys alle this light,

This gam and alle this gle;

Agans my grete myght

May thing stand then be.

And ye welle me behold
I am a thowsand fold

Brighter then is the son,

90 My strengthe may not be told,

100

110

My myght may no thing kon;

In heven, therfor, wit I wold

Above me who should won.

For I am lord of blis,

Over alle this warld, i-wis,

My myrth is most of alle;

Therfor my wille is this,

Master ye shalle me calle.
fulle sone anone,

And shalle se,

ye

How that me semys to sit in trone
As king of blis;

I am so semely, blode and bone,

My sete shalle be there as was his. V

Say, felows, how semys now me

To sit in seyte of trynyty?

I am so bright of ich a lym

I trow me seme as welle as hym.

Primus Angelus malus. Thou art so fayre unto my sight,

Thou semys welle to sytt on hight;

So thynke me that thou doyse.

Primus bonus Angelus. I rede ye leyfe that vanys

royse,

For that seyte may non angelle seme
So welle as hym that alle shalle deme.

30

Secundus bonus Angelus. I reyde ye sese of that

ye sayn,

For welle I wote ye carpe in vayne ;

Hit semyd hym never, ne never shalle,
So welle as hym that has maide alle.

Secundus malus Angelus. Now, and bi oght that
I can witt,

He semys fulle welle theron to sytt,
He is so fayre, with outten les,
He semys fulle welle to sytt on des.
Therfor, felow, hold thi peasse,
And umbithynke the what thou saysse.
He semys as welle to sytt there

As God hymself, if he were here.

Lucifer. Leyf felow, thynk the not so.

Primus malus Angelus. Yee, God wote, so dos othere mo.

Primus bonus Angelus. Nay, forsoth, so thynk

not us.

Lucifer. Now, therof a leke what rekes us?
Syn I myself am so bright

Therfor wille I take a flyght.

Tunc exibunt demones clamando, et dicit primus,

Primus demon. Alas, alas, and wele-wo!

Lucifer, why felle thou so ?

We, that were angels so fare,

/ And sat so hie above the ayere,
Now ar we waxen blak as any coylle,

And ugly, tatyrd as a foylle.

What alyd the, Lucifer, to falle,
Was thou not farist of angels alle?
Brightest, and best, and most of luf,
With God hym self, that syttes aboyf?
Thou has maide ix, there was x,
Thou art foulle commyn from thi kyn,
Thou art fallen, that was the teynd,

From an angelle to a feynd.

Thou hast us doyn a vyle dispyte,

And broght thi self to sorow and sitt.

Alas, ther is nocht els to say

Bot we ar tynt for now and ay.

Secundus demon.-Alas, the joy that we were in

Have we lost, for oure syn.

Alas, that ever cam pride in thoght,

For it has broght us alle to noght.
We were in myrth and joy enoghe
When Lucifer to pride drogh.
Alas, we may warrie wikyd pride,
So may ye alle that standes beside,
We held with hym ther he saide leasse,
And therfor have we alle unpeasse.

160 Alas, alas, oure joy is tynt,

เวอ

190

We mon have payne that never shalle stynt.
Deus.-Erthly bestes, that may crepe and go,
Bryng ye furth and wax ye mo,

I see that it is good;

Now make we man to our liknes,
That shalle be keper of more and les,
Of fwles, and fysh in flood.

Et tanget eum.

Spreyte of life I in the blaw,

Good and ille both shalle thou knaw;
Rise up, and stand bi me.

Alle that is in water or land,

It shalle bow unto thi hand,

And sufferan shalle thou be ;

I gif the witt, I gif the strenght,

Of alle thou sees, of brede and lengthe;
Thou shalle be wonder wise.

Myrth and joy to have at wille,

Alle thi likyng to fulfille,

And dwelle in paradise.

This I make thi wonnyng playce,]
Fulle of myrth and of solace,

And I seasse the therin.

It is not good to be alone,

To walk here in this worthely wone,
In alle this welthly wyn;

Therfor, a rib I from the take,

Therof shalle be thi make,

And be to thi helpyng.

Ye both to governe that here is,

And ever more to be in blis,

Ye wax in my blissyng.

Ye shalle have joye and blis therin,
While ye wille kepe you out of syn,
I say without lese.

Ryse up, myn angelle Cherubyn,

Take and leyd theym both in,

And leyf them there in peasse.

Tunc capit Cherubyn Adam per manum, et dicet eis Dominus,

Here thou Adam, and Eve thi wife,

I forbede you the tre of life,

And I commaund, that it begat,

Take which ye wille, bot negh not that.

Adam, if thou breke my rede,

Thou shalle dye a dulfulle dede.

Cherubyn. Oure Lord, our God, thi wille be

done;

I shalle go with theym fulle sone.

For soth, my Lord, I shalle not sted

Tille I have theym theder led.

We thank the Lord, with fulle good chere,
That has maide man to be oure feere,
Com furth Adam, I shalle the leyd,
Take tent to me, I shalle the reyd.
I rede the thynk how thou art wroght,
And luf my Lord in alle thi thoght,
That has maide the thrugh his wille,
Angels ordir to fulfille.

Many thynges he has the giffen,

And made the master of alle that lyffen,
He has forbed the bot a tre;

Look that thou let it be,

For if thou breke his commaundment,

Thou skapys not bot thou be shent.

Weynd here in to paradise,

And luke now that ye be wyse,

And kepe you welle, for I must go.

Unto my Lord, there I'cam fro.

Adam. Almyghty Lord, I thank it the
That is, and was, and shalle be,
Of thy luf and of thi grace,
For now is here a mery place;
Eve, my felow, how thynk the this?

Eve. A stede me thynk of joye and blis,
That God has giffen to the and me,
Withoutten ende; blissyd be he.

Adam. Eve, felow, abide me thore,
For I wille go to viset more,
To se what trees that here been;