Qu'iloec gisent tout estendus.
Si serois tous IIII assanblés."
Lors dist Gavains: „Vous me sanblés
Moult faus et de moult male chiere,
Si sai tres bien, que par priiere 599
Ne m'en feriés vos rien plus.
Mais se de vos vieng au dessus
Je les quit bien trestous vengier.“
„Laissier ester le manechier,
Fait le noir chevalier, vassal!
Si nous conbatons par igal,
Il n'a ichi que vous et moi;
Li autre sont tuit en requoi,
Qui là gisent tout abaubi.

Or sachiés que que vos desfi.“ 600
Sans nesun point de demorance
Prent cascun l'escu et la lanche
Si se fierent par tel angoisse
Que l'une lance et l'autre froisse;
Sor les escus devant les pis
Volent des lances les esclis.
Quant cascuns a sa lance fraite,
Vistement a lespée traite
Si commencent lor envaïe,

Qui moult sevent de l'escremie, 601
Et moult orent de hardement.
Cil qui ert noir com atrement
Vait ferir mon segnor Gavain
Amont sor le hiaume de plain,
Tout le fent jus qu'el cercle d'or,
Li côls descent desus la cor
De l'escu à sinople taint.
Et cil de tel aïr l'empaint,
Qu'anbedui li ceval caïrent.
Li dui chevalier sus saillirent,
Gavains sailli sus vistement
De lui vengier ot grant talent.
Sore li keut par grant vertu,
Et celui rest vers lui couru;
Li uns d'els velt l'autre empirier
Mais Gavains pour le coup vengier
Que celui li avoit douné,
L'en a resouse la bonté.
Il l'a feru tout à bandon,
A escremie de tel ton

Sus en l'iaume el coing amont
Que tout li trencha en roont.
Jusqu'al chapelier l'a fendu
A poi que ne l'a abatu.

Li noirs chevaliers li passa,
Tout l'escu li trenche et quassa
Si vint li cols de tel vertu,
Quant il fu parti de l'escu,
Qu'il trencha le pan del hauberc,

602

603

C04

le pas;

605

Et el braiel li fist un merc,
Qu'il li embati plaine paume
En mi la place sor le hiaume.
S'il l'eust droit aconseü,
Je cuit qu'il l'eüst abatu.
Et Gavains ne resorti pas,
Ains vait vers lui plus que
Sel fiert sor le hiaume à bandon,
O lespée li met un son
Amont lor se hiaume forbi.
Et cil l'a moult bien recuelli,
Qui savoit toute la mestrie,
Ne crient nus (?) de chevalerie.
Il fiert Gavain par grant outrage,
Sor l'escu li fait tel damage
Que il li trencha maintenant
C mailles de l'auberc luisant,
Et que de la cote à armer
Li fist contreval devaler
Bon plain pié jusqu'à la chainture.
Moult fu bele cele aventure,
Quant ne li a le cors trenchié,
Tant est le brant escoulorgié
Par entre l'aissele et l'escu.
Et Gavains a lui referu
Par grant ire sor l'escu noir.
Nus hom qui le peust veoir
N'en seüst lire le meillour
Jusc'au vespre que fait le jor,
Se conbatent issi sans faille,
Que le miudre de la bataille
N’en sorent eslire li troi,
Qui erent à pié en l'aunoi.
Vindrent vers els grant aleüre
Et cil qui jusqu'à la chainture
L'avoit tout désarmé errant,
Li dist: Franc chevalier vaillant
Aïle garde de cil troi,

Qui vienent ci armé sour moi.
Gavains li dist isnele pas.

607

„Par foi, amis, ce n'est pas gas, 608
Bien loiaument le vous plevis,
Nen i a nul si mes amis;

S'il vos adesoit sor mon pois,
Je nel ferisse demanois,
Ja ne me sera reprouvé.
Lors avoit dit et commandé
As trois qu'il s'en traient ariere.
Et cil le font en tel maniere
Si com Gavains le commanda,
Onques nus d'els mot ne souna
Por riens que il lor avenist.
Et li noirs chevaliers lor dist:
„Vassal! fait il, je loerroie

609

610

Que vos meïssiés à la voie
Tout sain et tout sauf o ces trois,
Et ces IIII cevaus norois
Me laississois tout quitement
Et cele pucele ensement
Qui vos atent sous cel ormel.
Si vos sera mils et plus bel
Que s'aurois salve vostre vie."
Dist Gavains: „Moult oi grant folie
Que vos dites, se Dix me saut,
Se ceste espée ne me faut,
Je vous movrai tel contenchon,
Ains que moi et vos departon,
Qu'aurai la dame et les chevaus."
Lors s'entrevienent les vassaus
Si fierement par cele angoisse,
Qu'ancois que l'un l'autre connoisse,

611

612

Se sont il moult forment grevé.
Gavains li a un coup douné.
Amont sor le hiaume vergié,
Que l'espée li a trenchié
L'iaume, de si en la cervele,
En est coulée l'alemele.
Şon cop estoit de grant aïr,
A la terre le fist venir
As II genous moult vistement,
Mais il relieve isnelement.
Si est Gavain aler requerre.
Onques encor en nule terre
II homes tant ne se greverent.
Et li trois chevalier qui erent
Iloec près d'els quis esgardoient,
Dient que merveilles faisoient
Qui se conbatent à cele ore.
Li noirs chevaliers sans demore
A dit à mon seignor Gavain:
"Vassal, ne soiiés pas vilain,
Mais soions hui mais à repos.
Quant li jors ert demain esclos,
Si resoions ci pié à pié,
Veés com il est anuitié.
Si aurois ces chevaus o vos
Par un covent que entre nos
Les remanrons demain ichi,
Et la damoisele autresi.
De ce vol jou estre certains.“
Par foi, ce li a dit Gavains,
Je n'en voel ja nesun mener,
Se vers vos nes puis conquester.
Que trop vos voi fel et glingnart."
Dans chevaliers, il est trop tart,
Fait li noirs chevaliers oscur,
Mais soiés trestout aseür

613

614

615

617

Que je vendrai le matin ca."
Dist Gavains: Ce n'avendra ja,
Se Dieu plaist, que nos departons
De si que je saurai ou non,
Se je en merrai les cevals
Et la pucele et les vassaus
Sans calonge et sans contredit."
,,Et vos me prisiés molt petit,
Dans chevaliers, ce m'est avis,
Pour ce que je vos ai requis
De la triue premierement.
Ja mais ne me troverés lent,
Ains vos troverai molt bataille
Ja del mien qui un d... vaille 616
N'en aurois en tout mon aage,
Se par force ou par vasselage
Nel poés conquerre vers moi.
Et si sai mouft bien et si croi,
Que estes cortois et vaillans.
Pour ce vos requier et demant
Que me desissiés vostre non,
Que ce est bien drois et raison
Que je le sace et vos le mien.
Et puis vos pri sor toute rien
De faire tout vostre pooir,
Que je voel vostre non savoir
Et itant savoir de vostre estre,
Car ice m'ensegna mon mestre
C'à home ne me conbatisse,
Que son non ne li enqueïsse,
Si n'iere pas faus ne vilain."
„Par foi, fait il, j'ai non Gavain.“
,,Gavain voire, neveu le roi ?"
,,Issi ai je non, par ma foi,
Fait Gavains, vos avés bien dit.
Jamais mon non, se Diex m'ait
Nel celerai à chevalier."
Et cil se volt agenoillier
Devant lui pour merci crier.
,,Bien porroie, fait il, jurer
Que jamais home ne creïsse,
Se à mes eus ne vos veïsse,
Qu'en dit que l'Orguellex Faé
Vous avoit mort et decaupé
Par orguel et par estoutie.
Nel tenés pas à vilenie
Frans chevaliers, prex et cortois,
Foi que je doi Artus li rois
Qui est me sire et mes amis
Vous m'avés vencu et pramis (?)
Vés m'espée, je la vous rent.
Molt sui courechiés et dolent
De ce que je ne vous counui.
Bien sai que vos ai fait anui. 620

618

619

6097. laississoit.

6165. ques.

6182. Jamais mon se diex m'ait.

Si m'en repent, se Diex me saut,
Ce vos di bien, de cest assaut
Sui je tout matés et conquis,
Si vous di bien, ce m'est avis
Que por c. mars et encor plus
N'en porroie je souffrir plus.
Et pour ce que je sui matés,
Je me renc à vos, recevés
M'espée, que je la vous rent."
Et Gavains li dist erramment:
,,Biaus amnis or gardés l'espée
Qu'ele est en vos bien aloeé,
Que hardis estes et osés.
De quel non estes apelés?
„Sire j'ai non li Lais Hardis,
Del lait nesune part desdis:
L'autre soir m'esmui de ma terre
Por aler cerquier et enquerre,
Se de vos noveles oïsse.

621

Sachiés bien que tant vos queïsse 622
Que bien en oïsse parler;
Ains que volsisse retorner,
Or m'en sui à vos combatus.
Si m'en est moult bien avenu,
Que s'eüst plus duré l'estour,
G'eusse de ma mort paour.“

624

Quant Gavains a ce entendu Que c'ert son ami et son dru, Gete l'escu, hiaume deslace, L'un d'els l'autre acole et enbrace, 623 Si s'entrefirent moult grant joie. Je ne quit mais que nus hom voie Deus chevaliers si bien apris. Cascuns d'els ert de moult grant pris, Or ert moult l'un vers l'autre estous, Or sont moult paisibles et dous. Si vindrent andui erramment A cele qui encor l'atent. Si l'ont delivrement montée, Puis si ont lor voie aroutée Entre Gavain et le Faé Et Espinogre ont amené Gomeret, à sa damoisele A Gavain conté la nouvele, Comment il s'estoit combatu Et com cil s'ert à lui rendu Com doit venir en sa merchi, Et Gavains li a dit: „Amis, Moult m'avés grant servise fait. Ensi grant bone aventure ait Vostre cors, comme je vaudroie." Ensi chevauchent tote voie, Car il estoit moult près de vespre

625

L'un dels conte à Gavain son estre,

Tant que chascun li a conté,
Com i l'ont fait, com ont erré,
Tant ont lor parlement tenu,
Qu'il sont tuit ensamble venu
À l'ostel Tristan qui ne rit,
Qui à Gavain grant honor fist
Et Espinogres ensement,
Tristan saut sus isnelement
Maintenant, qu'il les ot veus:

"

626

628

Segnors bien soiés vos venus!" Fait or Tristan, qui moult fu sage, Et n'ert pas de trop grant aage, Ains ert chevalier bel et gent. À l'estrui sailli erramment A Gavain, si le fist descendre, Vaslet corent son ceval prendre 627 Dont moult i avoit de cortois. Les damoiseles toutes trois (?) Firent descendre isnelement. Assés ot iloec, quis descent, Les damoiseles ambedeus. Et sachiés bien que avoec eus Estoit à pié li Lais Hardis Qui n'ert couars ne alentis De servir mon segnor Gavain. Et Tristans le prent par la main, Si le maine el palais amont, Si com franchise le semont. Si s'est del servir moult penés. La nuit orent à grant plenté Pain et vin et oisiaus rostis, Ploviers et faisans et pertris Et grans cisnes à lor mengier, Car moult en avoit el vergier Tristan, qui bien garni estoit De quanque prodom covenoit. Lor a la nuit tele onor faite, Ne l'aroie en piece retraite, L'onor qu'il a fait à chascun. Bien les coucha par un et un Pour dormir et pour reposer, Qu'il estoient las del errer, Et traveilliés et confondus. Il paroit bien à lor escus Qu'il orent soffert grant estour. Grant joie ot Tristans de l'onor, 630 Qui la destre Gavain acointe. Et saciés que moult se fait cointe, Qu'il a deus fois esté son osté, Vers le Lai Hardi se racoste Qui moult estoit gentils et frans: ,,Sire, fait il, je croi et pans

629

6216. nesune pas

Et Tristans maintenant s'esmuet 632

En la chambre où sa fille estoit,
Si li prie, s'ele savoit

633

Aidier à itel chevalier,
Qu'ele li ait sans demorier.
Et cele qui n'ert pas vilaine
Li dit: la plaie ert ja saine
Se Diex m'ait hui en ceste jour.
Une herbe de moult grant valor
Qui estoit Toscane apelée
Sour la plaie li a bendée;
Puis se dormir a grant loisir.
Tant que fist Diex le jor venir
Qu'il se lievent et atornerent,
El chastel andui sejornerent
Trestout le jor jusqu'au demain,
Puis parla mon segnor Gavain
Comme par courous et par ire,
A l'oste commencha à dire:
,,Bias, dous ostes, frans, debonaire,
Vous savés bien tout nostre afaire, 634
Ensi com nos avons erré,
Or voil que il nos soit mostré
Et l'escrin et le bras ensamble
Que me monstrastes, ce me samble,
La nuit que primes chaiens jui.
Et Tristans regarda celui
Qui Orguelleus Faé a non:
Sire, il vos dit droite raison."
Ce respont l'Orguelleus Faé:

Tant m'a ore mès demené

Qu'il m'estuet en sa segnorie
Contenir et moi et m'amie,
Mais il i a tel convenant,
Se je pooie vivre tant,
Que le oes que je vos baillai,
Tout sain et sauf le vos rendrai.
Tel covenant ai à Gavain
Que jel vos rent et fort et sain,
Que je aurai sa druerie,

635

6319. Quil li ait sil onkes puet. 6327. cest jour. 6348. deoit raison.

Et me rendra quite m'amie,
Mais que je li ferai itant.

Le vaslet trestout cler veant
Li rendrai et tout sain sans faille,
Covenant l'oi en la bataille.
Et Gavains le m'a creanté."
,,Certes, fait il, c'est verités,
Qui issi le vous creantai.
Nen soiés ja point en esmai!"
,,Sire, dist l'Orguelleus Faé,
Isnelement soit aporté

Le bras et le cors et l'escrin.
Et Tristan se mist al cemin,
Si l'a aporté maintenant.
L'escrin li avoit mis devant,
Et le Faé l'a descosu.
Et l'escrin estoit ja venu
Où le bras ert au chevalier.
Et le Faé sans delaier

A le bras de l'escrin osté
Et el cors ariere posé.

636

637

639

Puis fu plus sains que nul poisson. Et cels en orent fait le don A l'Orgelleus qui ert faé. Le chevalier lor a conté Comme cil el bois le trova, Et comment à lui se mesla, Et comment il se combati; Com il morut, ainc nel senti, Com il a esté en repos Dedens le cuir de cerf enclos. Moult s'en est Gavains mervellié, De la merveille s'est sengnié Et le Lai Hardi ensement. Et Tristan et toute sa gent, Qui ont la merveille veue De demander forment s'argue, Qui li dona tel destinée. Et cil dit: „El me fu donée En cele nuit que je fui né.“ Et Gavains a lors demandé Le non del chevalier ocis: ,,Sire, fait il, je vos plevis Que le cortois de Huberlant M'apeloient mi conoissant." Grant joie firent tuit ensanble, Toute la cort de joie tramble, Et demainent moult grant deduit Tout le jor de si à la nuit. A la nuit se sont tuit cochié. Au matin quant fu esclairié, Il metent les frains et les seles, Et montent les II damoiseles,

640

641

6324. quil. 6326. nert pas saine. 6373. Si li a aporte.

L'une ert amie Gomeré,

642

643

Et l'autre à l'Orguelleus Faé. Puis se mistrent tuit à la voie, Tristan lor oste, les convoie Desi ke outre le vaucel Et dit: „Sire s'il vos ert bel, G'iroie à cort ensamble o vos, Et si merroie avecques nos Ma fille qui ert bele et gente, Où nature a mise s'entente; Et je l'ai ja bien atornée, Vés-la sor la mule montée." Gavains l'entent, s'en a grant joie: „Sire, fait il, se Diex me voie, Moult avés or dit que cortois." Or sont les damoiseles trois Et li chevalier s'ot par conte, Si com l'estoire le raconte. Tant ont erré et chevauchié Qu'en droit midi ont aprocié Le chastel Cadroain le rous, Qui moult est fiers et corajous. Iloer estoient à sejour Icil qui furent en l'estour O Cadrès, quant rescoust s'amie, Qui ot secours et bone aïe: Si fui Raguidel de l'angarde, Celui pucele ke regarde Cele qui vea à Gavain Le vin et le char et le pain. Et tuit cil orent counei Tantost que Gavains fu venu, Qui l'atendoient au chastel. Savoir poés molt li fu bel. Tout son conte lor a conté, Si com je vos ai chi conté, Comment il a plus esploitié Encontre l'Orguelleus Faé, Comment lor acorde fu faite. Cascun d'els forment s'en rehaite, Et moult li firent grant hounor, Et dit, que por la soie amor Sejornerent un jor tot plain. „Segnor, ce lor a dit Gavain, Vous dites bien, vostre merchi. Mais ains que soit demain midi Vaudroie estre à Carlion Entre moi et mi conpaignon. Si merrai avoec mes puceles

644

645

646

Qui molt sont courtoises et beles."
„Sire, sire! ce dist Cadrès,
Je vos herbergerai hui mès
En cest chastel à Cadroain.
Quant vos verrois le jor demain

647

S'irons en vostre conpaignie."
Dist Gavains: „Je nel refus mie,
Tel conpaignie ne tel route."
Je vos aconterai ja toute
La joie qu'il ont demenée
Quels lus i ot et quel povrée,
Quel pain, ne quel poisson de mer,
Quels vins il burent au souper.
La nuit furent à grant deduit.
Au matin sont monté trestuit
Sor lor chevaus delivrement.
Cadroains fait monter sa gent
LXIIII chevaliers

Trestous armés sor lor destriers 648
Por l'amour mon segnor Gavain.
Li chevalier oirrent à plain,
Au chevauchier ont entendu
Tant qu'en la forest sont venu,
Iloec où l'Orguelleus Faé
Ot le vaslet les eus crevé.
Tant enquist Gavains des noveles,
Qu'il a trovées les puceles
Qui li conterent del Faé,

Si com li contes a conté.
En la forest ert lor manoir,
Cascuns a le cuer triste et noir
Del doel de mon segnor Gavain;
Tuit quidoient estre certain
Que il fust mors et decoupé.
Et Gavains lor a demandé
Del vaslet comment li estoit:
,,Sire fait ele issi li voit,

649