Res angusta domi; sed Romæ durior illis Conatus: magno hospitium miserabile, magno Servorum ventres, et frugi cœnula magno. Fictilibus cœnare pudet, quod turpe negavit
Translatus subitò ad Marsos mensamque Sabellam; Contentusque illîc veneto duroque culullo.
Pars magna Italiæ est, si verum admittimus, in quâ Nemo togam sumit, nisi mortuus. Ipsa dierum Festorum herboso colitur si quando theatro Majestas, tandemque redit ad pulpita notum Exodium, quum persona pallentis hiatum In gremio matris formidat rusticus infans; Equales habitus illîc, similesque videbis Orchestram et populum: clari velamen honoris, Sufficiunt tunicæ summis ædilibus albæ. Hîc ultra vires habitûs nitor: hîc aliquid plus, Quàm satis est, interdum alienâ sumitur arcâ.
Commune id vitium est. Hîc vivimus ambitiosâ
Paupertate omnes. Quid te moror? Omnia Romæ
Cum pretio. Quid das, ut Cossum aliquando salutes ? Ut te respiciat clauso Veiento labello?
Ille metit barbam, crinem hic deponit amati.
Plena domus libis venalibus. Accipe, et istud Fermentum tibi h habe: præstare tributa clientes
Cogimur, et cultis augere peculia servis.
Quis timet, aut timuit gelidâ Præneste ruinam, Aut positis nemorosa inter juga Volsiniis, aut Simplicibus Gabiis, aut proni Tiburis arce? Nos urbem colimus tenui tibicine fultam Magnâ parte sui. Nam sic labentibus obstat Villicus, et veteris rimæ quum texit hiatum, Securos pendente jubet dormire ruinâ.
Vivendum est illîc, ubi nulla incendia, nulli
Nocte metus. Jam poscit aquam, jam frivola transfert
Ucalegon; tabulata tibi jam tertia fumant:
Tu nescis. Nam si gradibus trepidatur ab imis,
Jamque vetus Græcos servabat cista libellos, Et divina opici rodebant carmina mures.
Nil habuit Codrus: quis enim negat? et tamen illud
Perdidit infelix totum nihil: ultimus autem
rumnæ cumulus, quòd nudum, et frusta rogantem Nemo cibo, nemo hospitio, tectoque juvabit. Si magna Asturii cecidit domus: horrida mater, Pullati proceres, differt vadimonia prætor. Tunc gemimus casus Urbis, tunc odimus ignem. Ardet adhuc, et jam accurrit, qui marmora donet, Conferat impensas. Hic nuda et candida signa, Hic aliquid præclarum Euphranoris et Polycleti, Hæc Asianorum veterà era ornamenta deorum, Hic libros dabit, et forulos, mediamque Minervam, Hic modium argenti. Meliora ac plura reponit Persicus orborum lautissimus et meritò jam Suspectus, tanquam ipse suas incenderit ædes. Si potes avelli Circensibus, optima Soræ, Aut Fabrateriæ domus, aut Frusinone paratur, Quanti nunc tenebras unum conducis in annum. Hortulus hîc, puteusque brevis, nec reste movendus, In tenues plantas facili diffunditur haustu. Vive bidentis amans, et culti villicus horti; Unde epulum possis centum dare Pythagoreis. Est aliquid, quocunque loco, quocunque recessu, Unius sese dominum fecisse lacertæ.
Plurimus hîc æger moritur yigilando: sed illum Languorem peperit cibus imperfectus, et hærens Ardenti stomacho. Nam quæ meritoria somnum Admittunt? Magnis opibus dormitur in Urbe: Indè caput morbi. Rhedarum transitus arcto Vicorum in flexu, et stantis convicia mandræ Eripient somnum Druso, vitulisque marinis. Si vocat officium, turbâ cedente vehetur Dives, et ingenti curret super ora Liburno, Atque obiter leget, aut scribet, vel dormiet intus; Namque facit somnum clausâ lectica fenestrâ Antè tamen veniet: nobis properantibus obstat Unda prior magno populus premit agmine lumbos, Qui sequitur. Ferit hic cubito, ferit assere duro Alter; at hic fignum capiti incutit, ille metretam. Pinguia crura luto, plantâ mox undique magnâ Calcor, et in digito clavus mihi militis hæret.
Nonne vides, quanto celebretur sportula fumo? Centum convivæ sequitur sua quemque culina. Corbulo vix ferret tot vasa ingentia, tot res Impositas capiti, quas recto vertice portat
Servulus infelix, et cursu ventilat ignem.
Scinduntur tunicæ sartæ modò longa coruscat Sarraco veniente abies, atque altera pinum
Plaustra vehunt, nutant altæ populoque minantur. Nam si procubuit, qui saxa Ligustica portat, Axis, et eversum fudit super agmina montem,
Quid superest de corporibus? quis membra, quis ossa Invenit? obtritum vulgi perit omne cadaver More animæ. Domus interea secura patellas
Jam lavat, et buccâ foculum excitat, et sonat unctis Striglibus, et pleno componit lintea gutto. Hæc inter pueros variè properantur: at ille Jam sedet in ripâ, tetrumque novicius horret Porthmea, nec sperat cœnosi gurgitis alnum Infelix, nec habet, quem porrigat, ore trientem.
Respice nunc alia ac diversa pericula noctis : Quod spatium tectis sublimibus, unde cerebrum Testa ferit, quoties rimosa et curta fenestris Vasa cadant; quanto percussum pondere signent Et lædant silicem. Possis ignavus haberi Et subiti casûs improvidus, ad cœnam si Intestatus eas. Adeò tot fata, quot illâ Nocte patent vigiles, te prætereunte, fenestræ: Ergò optes, votumque feras miserabile tecum, Ut sint contentæ patulas defundere pelves.
Ebrius ac petulans, qui nullum fortè cecidit, Dat pœnas, noctem patitur lugentis amicum Pelidæ, cubat in faciem, mox deinde supinus. Ergò non aliter poterit dormire? Quibusdam
Somnum rixa facit: sed, quamvis improbus annis,
Atque mero fervens, cavet hunc, quem coccina læna Vitari jubet, et comitum longissimus ordo, Multum præterea flammarum, et aënea lampas. Me, quem luna solet deducere vel breve lumen Candelæ, cujus dispenso et tempero filum,,, Contemnit. Miseræ cognosce proœmia rixæ, Si rixa est, ubi tu pulsas, ego vapulo tantùm. Stat contrà, starique jubet; parere necesse est. Nam quid agas, quum te furiosus cogat, et idem Fortior? Unde venis? exclamat: cujus aceto, Cujus conche tumes? quis tecum sectile porrum Sutor, et elixi vervecis labra comedit?
Nil mihi respondes? aut dic, aut accipe calcem. Ede, ubi consistas: in quâ te quæro proseuchâ?
Dicere si tentes aliquid, tacitusve recedas, c Tantundem est; feriunt pariter: vadimonia deinde Irati faciunt. Libertas pauperis hæc est: Pulsatus rogat, et pugnis concisus adorat,
Ut liceat paucis cum dentibus inde reverti.
Nec tamen hæc tantùm metuas: nam, qui spoliet te,
Non deerit, clausis domibus, postquam omnis ubique
Fixa catenatæ siluit compago tabernæ.
Interdum et ferro subitus grassator agit rem,
Armato quoties tutæ custode tenentur
Et Pomtina palus et Gallinaria pinus.
Sic inde huc omnes, tanquam ad vivaria, currunt.
Quâ fornace graves, quâ non incude catena? Maximus in vinclis ferri modus, ut timeas, ne Vomer deficiat, ne marræ et sarcula desint. Felices proavorum atavos, felicia dicas
Sæcula, quæ quondam sub regibus atque tribunis Viderunt uno contentam carcere Romam.
His alias poteram et plures subnectere causas: Sed jumenta vocant, et sol inclinat: eundum est; Nam mihi commotâ jamdudum mùlio virgâ Annuit. Ergò vale nostri memor, et, quoties te Roma tuo refici properantem reddet Aquino,
Me quoque ad Helvinam Cererem vestramque Dianam
Convelle a Cumis. Satirarum ego, ni pudet illas, Adjutor gelidos veniam caligatus in agros.
ECCE iterum Crispinus! et est mihi sæpè vocandus Ad partes, monstrum nullâ virtute redemptum A vitiis, æger, solâque libidine fortis.- Quid refert igitur, quantis jumenta fatiget Porticibus? quantâ nemorum vectetur in umbrâ? Jugera quot vicina foro, quas emerit ædes? Nemo malus felix; minimè corruptor, et idem Incestus, cum quo nuper vittata jacebat, Sanguine adhuc vivo terram subitura, sacerdos. Sed nunc de factis levioribus et tamen alter Si fecisset idem, caderet sub judice morum. Nam quod turpe bonis, Titio Seioque, decebat Crispinum. Quid agas, quum dira et fœdior omni Crimine persona est? Mullum sex millibus emit,
Æquantem sanè paribus sestertia libris, Ut perhibent, qui de magnis majora loquuntur. Consilium laudo artificis, si munere tanto Præcipuam in tabulis ceram senis abstulit orbi. Est ratio ulterior, magnæ si misit amicæ, Quæ vehitur clauso latis specularibus antro Nil tale exspectes: emit sibi. Multa videmus, Quæ miser et frugi non fecit Apicius. Succinctus patriâ quondam, Crispine, papyro? Hoc pretio squamæ ? potuit fortasse minoris Piscator, quàm piscis, emi. Provincia tanti Vendit agros; sed majores Appulia vendit. Quales tunc epulas ipsum glutîsse putemus Endoperatorem, quum tot sestertia, partem Exiguam, et modica sumptam de margine cœnæ, Purpureus magni ructârit scurra Palatî, Jam princeps equitum, magnâ qui voce solebat Vendere municipes frictâ de merce siluros? Incipe, Calliope, licet et considere: non est Cantandum, res vera agitur. Narrate, puellæ Pierides. prosit mihi vos dixisse puellas!
Quum jam semianimum laceraret Flavius orbem Ultimus, et calvo serviret Roma Neroni;
Aut emere auderet, quum plena et littora multo
Delatore forent? Dispersi protenus algæ Inquisitores agerent cum remige nudo, Non dubitaturi fugitivum dicere piscem,
Depastumque diù vivaria Cæsaris, inde
Elapsum veterem ad dominum debere reverti.
Si quid Palfurio, si credimus Armillato,
Quidquid conspicuum, pulchrumque est æquore toto,
Res fisci est, ubicunque natat. Donabitur ergò,
Ne pereat. Jam letifero cedente pruinis
Autumno, jam quartanam sperantibus ægris,
Stridebat deformis hiems, præ damque recentem
Servabat: tamen hic properat, velut urgueat Auster.
« PreviousContinue » |