Help, Simkin, for the false clerkes fighte.'
This Iohn sterte up as faste as ever he mighte, And graspeth by the walles to and fro,
To finde a staf; and she sterte up also,
And knew the estres bet than dide this Iohn,
And by the wal a staf she fond anon,
And saugh a litel shimering of a light,
For at an hole in shoon the mone bright;
And by that light she saugh hem bothe two,
But sikerly she niste who was who,
But as she saugh a whyt thing in hir yë.
And whan she gan the whyte thing espye,
She wende the clerk hadde wered a volupeer.
And with the staf she drough ay neer and neer,
And wende han hit this Aleyn at the fulle,
And smoot the miller on the pyled skulle,
That doun he gooth and cryde, 'harrow! I dye!'
Thise clerkes bete him weel and lete him lye;
And greythen hem, and toke hir hors anon,
And eek hir mele, and on hir wey they gon.
And at the mille yet they toke hir cake
Of half a busshel flour, ful wel y-bake.
Thus is the proude miller wel y-bete,
And hath y-lost the grinding of the whete,
And payed for the soper every-deel
Of Aleyn and of Iohn, that bette him weel.
His wyf is swyved, and his doghter als;
Lo, swich it is a miller to be fals!
And therfore this proverbe is seyd ful sooth,
'Him thar nat wene wel that yvel dooth;
A gylour shal him-self bigyled be.'
And God, that sitteth heighe in magestee,
Save al this companye grete and smale!
Thus have I quit the miller in my tale.
Here is ended the Reves tale.
4296. E. Hn. foond; Hl. took. 4307. E. Cm. Hl. And; rest That. 4320. E. Hn. yuele; Cm. euele. 4322. COLOPHON. Hn. Hl. Here endeth the
4292. E. Cm. stirte. E. soone (for faste). 4301. Hl. ye; Hn. Iye; rest eye. 4309. Hl. greyth; Cm. hastede. E. Trinitee; rest magestee (mageste). Reves tale.
The prologe of the Cokes Tale.
For Ioye, him thoughte, he clawed him on the bak,
HE Cook of London, whyl the Reve spak,
'Ha! ha!' quod he, 'for Cristes passioun,
This miller hadde a sharp conclusioun
Upon his argument of herbergage!
Wel seyde Salomon in his langage,
"Ne bringe nat every man in-to thyn hous;" For herberwing by nighte is perilous.
Wel oghte a man avysed for to be
Whom that he broghte in-to his privetee.
I pray to god, so yeve me sorwe and care,
If ever, sith I highte Hogge of Ware,
Herde I a miller bettre y-set a-werk.
He hadde a Iape of malice in the derk.
But god forbede that we stinten here;
And therfore, if ye vouche-sauf to here.
A tale of me, that am a povre man,
I wol yow telle as wel as ever I can
A litel Iape that fil in our citee.'
Our host answerde, and seide, 'I graunte it thee; Now telle on, Roger, loke that it be good;
For many a pastee hastow laten blood,
And many a Iakke of Dover hastow sold
That hath been twyes hoot and twyes cold.
Of many a pilgrim hastow Cristes curs,
4325. E. whil that the. 4332. Hl. herburgage. sitthe; Hl. sippe; Cp. Pt. Ln. sithen.
4336. Hn. sith; E. 4339. Hn. Hl. stynten; E. stynte. 4347. E.
4339, 4340. Last two words glossed hic and audire in E. Hn. Hn. Cm. Ln. Douere. E. Hn. soold.
For of thy persly yet they fare the wors,
That they han eten with thy stubbel-goos;
For in thy shoppe is many a flye loos.
Now telle on, gentil Roger, by thy name.
But yet I pray thee, be nat wrooth for game,
A man may seye ful sooth in game and pley.'
"Thou seist ful sooth,' quod Roger, 'by my fey,
But "sooth pley, quaad pley," as the Fleming seith;
And ther-fore, Herry Bailly, by thy feith,
Be thou nat wrooth, er we departen heer,
Though that my tale be of an hostileer.
But nathelees I wol nat telle it yit,
But er we parte, y-wis, thou shalt be quit.'
And ther-with-al he lough and made chere,
And seyde his tale, as ye shul after here.
Thus endeth the Prologe of the Cokes tale.
4350. Hl. persly; Hn. persle; E. percely. Cm. quaad; Cp. Hl. quad; rest quade. 4359. E. na (for nat). COLOPHON. In Pt.; Ln. Explicit prologus.
Heer bigynneth the Cokes tale.
PRENTIS whylom dwelled in our citee,
And of a craft of vitaillers was he;
Gaillard he was as goldfinch in the shawe,
Broun as a berie, a propre short felawe,
With lokkes blake, y-kempt ful fetisly.
Dauncen he coude so wel and Iolily,
That he was cleped Perkin Revelour.
He was as ful of love and paramour
As is the hyve ful of hony swete;
Wel was the wenche with him mighte mete.
At every brydale wolde he singe and hoppe,
He loved bet the taverne than the shoppe.
For whan ther any ryding was in Chepe,
Out of the shoppe thider wolde he lepe.
Til that he hadde al the sighte y-seyn,
And daunced wel, he wolde nat come ageyn.
And gadered him a meinee of his sort
To hoppe and singe, and maken swich disport.
And ther they setten steven for to mete
To pleyen at the dys in swich a strete.
For in the toune nas ther no prentys,
That fairer coude caste a paire of dys
Than Perkin coude, and ther-to he was free
Of his dispense, in place of privetee.
That fond his maister wel in his chaffare;
For often tyme he fond his box ful bare.
For sikerly a prentis revelour,
That haunteth dys, riot, or paramour,
4366. E. vitailliers. 4369. E. ykempd; Hn. ykembd; rest ykempt. 4380. ayeyn. 4383. Pt. Ln. steuen; rest steuene. 4385. Pt. Ln. toune; rest
His maister shal it in his shoppe abye,
Al have he no part of the minstralcye;
For thefte and riot, they ben convertible,
Al conne he pleye on giterne or ribible.
Revel and trouthe, as in a low degree,
They been ful wrothe al day, as men may see.
This Ioly prentis with his maister bood,
Til he were ny out of his prentishood,
Al were he snibbed bothe erly and late,
And somtyme lad with revel to Newgate;
But atte laste his maister him bithoghte,
Up-on a day, whan he his paper soghte,
Of a proverbe that seith this same word,
'Wel bet is roten appel out of hord
Than that it rotie al the remenaunt.'
So fareth it by a riotous servaunt ;
It is wel lasse harm to lete him pace,
Than he shende alle the servants in the place.
Therfore his maister yaf him acquitance,
And bad him go with sorwe and with meschance;
And thus this Ioly prentis hadde his leve.
Now lat him riote al the night or leve.
And for ther is no theef with-oute a louke,
That helpeth him to wasten and to souke
Of that he brybe can or borwe may,
Anon he sente his bed and his array
Un-to a compeer of his owne sort,
That lovede dys and revel and disport,
And hadde a wyf that heeld for countenance
A shoppe, and swyved for hir sustenance.
Of this Cokes tale maked Chaucer na more.
[For The Tale of Gamelin, see the Appendix.]
4396. E. Ln. ribible; rest rubible.
4404. E. Hn. Hl. papir.
4415-22. Hl. omits.
4406. E. Hn. Cp. Hl. Appul.
4416. Pt. souke; rest sowke.
4415. E. Hn. Cp. Ln. lowke; Pt. louke; Cm. loke.
4419. E. compier; Hn. compeer; Cp. Pt.
COLOPHON. In Hn. only. Blank space in E.
|