Came to the gate and axed mete. But there might he nothing gete His dedely hunger for to ftaunche, For he, which had his fulle paunche Of alle luftes ate borde
Ne deigneth nought to speke a worde, Onlich a crumme for to yive, Wherof the pouer mighte live Upon the yift of his almesse. Thus lay this pouer in great diftreffe A colde and hungry at the gate, Fro which he mighte go no gate, So was he wofully befene. And as these haly bokes fain, The houndes comen fro the halle, Where that this fike man was falle, And as he lay there for to deie, The woundes of his malady They licken for to done him efe. But he was full of such disese,
That he may nought the deth escape. But as it was that time shape, The foule fro the body paffeth, And he, whom nothing overpaffeth, The highe god up to the heven Him toke, where he hath fet him even In Abrahames barme on high,
Where he the hevens joie figh
And had all that he have wolde. And fell as it befalle fholde,
This riche man the same throwe With fodein deth was overthrowe And forth withouten any went, Unto the helle ftraught he went, The fende into the fire him drough, Where that he hadde peine inough Of flame, which that ever brenneth. And as his eye aboute renneth, Toward the heven he caft his loke, Where that he figh and hede toke, How Lazar fet was in his fee Als fer as ever he might fee With Abraham, and than he praide Unto the patriarch and faide : Send Lazar down fro thilke fete And do, that he his finger wete In water, so that he may droppe Upon my tunge for to stoppe The grete hete, in which I brenne. But Abraham answerde thenne And faide to him in this wife:
My fone, thou the might avise And take into thy remembraunce, How Lazar hadde great penaunce, While he was in that other life. But thou in all thy luft jolife The bodely delices foughtest,
Forthy fo as thou thanne wroughteft,
Now shalt thou take thy rewarde Of dedely peine here afterwarde In helle, which shall ever last. And this Lazar now ate laft This worldes peine is overronne In heven and hath his life begonne Of joie, which is endeles.
But that thou praiest netheles, That I fhall Lazar to the fende With water on his finger ende Thine hote tunge for to kele, Thou shalt no fuche graces fele, For to that foule place of finne, For ever in which thou shalt ben inne, Cometh none out of this place thider Ne none of you may comen hider, Thus be ye parted now a-two. The rich ayeinward cride tho: O Abraham, fithe it fo is,
That Lazar may nought do me this, Whiche I have axed in this place, I wolde pray an other grace. For I have yet of bretherne five, That with my fader ben a-live To-gider dwellend in one hous, To whom, as thou art gracious, I praie, that thou woldest sende Lazar, fo that he mighte wende To warne hem, how the worlde is went, That afterward they be nought shent
Of fuche peines as they deie. Lo, this I praie and this I crie, How I may nought my felf amende. The patriarche anone fuende To this praier answerde: Nay, And faide him, how that every day
His bretheren mighten knowe and here Of Moises on erthe here
And of prophetes other mo,
What hem was beft. And he faith: No,
But if there might a man arise
From deth to life in fuche a wife To tellen hem, how that it were, He faide, than of pure fere They fhulden well beware therby. Quod Abraham: Nay fikerly, For if they now will nought obey To fuch, as techen hem the wey And all day preche and all day telle, How that it ftant of heven and helle, They woll nought thanne taken hede, Though it befelle fo in dede, That any dede man were arered To ben of him no better lered, Than of an other man alive.
If thou, my fone, canft defcrive This tale, as Crift him self it tolde, Thou shalt have caufe to beholde
To fe fo great an evidence, Wherof the fothe experience
Hath fhewed openlich at eye, That bodely delicacy
Of him, which yiveth none almeffe, Shall after falle in great diftreffe. And that was sene upon the riche, For he ne wolde unto his liche A crumme yiven of his brede, Than afterward whan he was dede A droppe of water him was werned. Thus may a mannes wit be lerned Of hem, that fo delites taken,
Whan they with deth ben overtaken, That erft was fwete is thanne foure. But he that is a governour
Of worldes good, if he be wife, Within his herte he fet no prise Of all the worlde and yet he useth The good, that he nothing refufeth, As he, which lord is of the thinges, The ouches and the riche ringes, The cloth of gold and the perrie He taketh, and yet delicacie He leveth, though he wear all this. The befte mete that there is
He eteth and drinketh the beste drinke,
But how that ever he ete or drinke
Delicacie he put awey
As he, which goth the righte wey, Nought only for to fede and clothe His body, but his foule bothe.
« PreviousContinue » |