And every man his owne boke
Into the kinges hond betoke.
And he it to his doughter fende 5
And praide her for to make an ende
And write ayein her owne honde,
Right as she in her herte fonde.
The billes weren well received,
But she hath all her loves weived 7
And thoughte tho was time and space
To put her in her faders grace
And wrote ayein and thus fhe faide:
The fhame, which is in a maide,
With speche dare nought be unloke,
But in writing it may be spoke.
So write I to you, fader, thus,
But if I have Appollinus,
Of all this world what fo betide,
I woll non other man abide.
And certes if I of him faile,
I wot right well withoute faile,
Ye shull for me be doughterles.
This letter came, and there was presus
To-fore the king, there as he ftode.
And whan that he it understode,
They toke her leve, and where hem liste,
They wente forth upon her wey.
The king ne wolde nought bewrey
Qualiter filia regis omnibus aliis relictis Appollinum in maritum preelegit.
filie fue cum Ap- The counfeil for no maner high,
pollino confencie-
But fuffreth till he time figh.
And whan that he to chambre is come,
He hath unto his counfeil nome
This man of Tire and lete him fe
The letter, and all the privete,
The which his doughter to him sente. 2
And he his kne to grounde bente
And thonketh him and her also.
And er they wenten than a two
With good herte and with good corage
Of full love and full mariage
The kinge and he ben hole accorded.
And after, whan it was recorded
Unto the doughter, how it stood,
The yifte of all this worldes good
Ne fhuld have made her half fo blithe.
And forth with all the kinge als swithe,
For he woll have her good affent,
Hath for the quene her moder sent.
The quene is come, and whan she herde
Of this matere how that it ferde, 15
She figh debate, she sigh disese,
But if she wolde her doughter plese,
And is therto affented ful,
Whiche is a dede wonderful.
For no man knew the fothe cas,
But he him felf, what man he was.
And netheles fo as hem thought
His dedes to the fothe wrought,
That he was come of gentil blood,
Him lacketh nought but worldes good. 945
And as therof is no defpeire,
For the shall be her faders heire,
And he was able to governe,
Thus woll they nought the love werne
Of him and her in no wife,
But all accorded they devise
The day and time of mariage,
Where love is lorde of the corage.
Him thenketh longe, er that he spede,
But ate lafte unto the dede
The time is come, and in her wise
With great offrend and facrifice
They wedde and make a riche fest,
And every thing was right honest
Withinne hous, and eke without.
It was fo done, that all about
Of great worship and great nobleffe
There cried many a man largesse
Unto the lordes high and loude.
Qualiter Appollinus filie regis nupsit, et prima nocte cum ea concubiens ipfam impregnavit.
The knightes, that ben yonge and proude, 95
They jefte first and after daunce.
The day is go, the nightes chaunce
Hath derked all the brighte fonne.
This lord, which hath his love wonne, 20
Is go to bedde with his wife,
Where as they lede a lusty life,
And that was after fomdele fene,
For as they pleiden hem betwene,
Qualiter ambaffiatores a Tyro in
They gete a child betwene hem two,
To whom fell after mochel wo.
Now have I tolde of the fpoufailes.
quadam navi Pen- But for to speke of the merveiles, tapolim venientes Which afterward to hem befelle, mortem regis An
tiochi Appollino It is a wonder for to telle.
It fell a day they riden out
The kinge and quene and all the rout
To pleien hem upon the ftronde,
Where as they seen toward the londe
A fhip failend of great array.
To knowe what it mene may,
Till it be come they abide.
Than se they stonde on every fide
Endlong the shippes bord to fhewe
Of penouncels a riche rewe.
They axen, whenne the ship is come.
Fro Tire, anone anfwerde fome.
And over this they faiden more,
The cause why they comen fore
Was for to feche and for to finde
Appollinus, which is of kinde
Her lege lord. And he appereth
And of the tale whiche he hereth
He was right glad, for they him tolde,
That for vengeaunce, as god it wolde,
Antiochus as men may wite
With thunder and lightning is forsmite.
His doughter hath the fame chaunce.
So be they both in o balaunce.
Forthy, our lege lord, we fay
In name of all the lond and pray.
That left all other thing to done,
It like you to come fone
And fe your owne lege men
With other, that ben of your ken, 1010
That live in longing and defire,
Till ye be come ayein to Tire.
This tale after the king it had
Pentapolim all oversprad.
There was no joie for to feche, 1014
For every man it had in fpeche
And faiden all of one accorde :
A worthy king shall ben our lorde,
That thought us first an hevineffe,
Is shape us now to great gladneffe.
Thus goth the tiding over all.
But nede he mot, that nede fhall.
Appollinus his leve toke,
To god and all the lond betoke
With all the people longe and brode, (25
That he no lenger there abode.
The king and quene forwe made,
But yet fomdele they weren glade
Of fuch thing, as they herden tho.
And thus betwene the wele and wo
To ship he goth, his wife with childe,
The which was ever meke and milde
And wolde nought departe him fro,
Such love was betwene hem two.
Qualiter Appollino cum uxore fua impregnata a Pentapoli verfus Tyrum navigantibus contigit uxorem, mortis articulo anguf tiatam, in navi filiam, que poftea Thaifis vocabatur,
|